میاں غلام محمد عاصم — شانِ ساہیوال

سلسلہ شانِ ساہیوال میں آج کی شخصیت ماہرِ تعلیم و ماہرِ ریاضیات ہیڈ ماسٹر میاں غلام محمد عاصم ہیں۔ کچھ ہستیاں ایسی ہوتی ہیں جو اپنی پوری زندگی علم و فنون اور نئی نسل کی تعمیر کے لیے وقف کر دیتی ہیں۔

میاں غلام محمد عاصم یکم جنوری 1907ء کو بٹالہ، مشرقی پنجاب، ہندوستان میں پیدا ہوئے۔ 1938ء میں انہوں نے بٹالہ مسلم ہائی اسکول کی بنیاد رکھی اور ہیڈ ماسٹر مقرر ہوئے۔ قیامِ پاکستان کے بعد وہ اپنے ساتھیوں کے ہمراہ ساہیوال آئے اور یہاں بٹالہ مسلم ہائی اسکول کے ذریعے اپنا تعلیمی مشن جاری رکھا۔

ان کی اصل میراث ان کے ہزاروں شاگرد تھے، جن میں پروفیسر ارجمند احمد قریشی، شیخ محمد عمر، شیخ محمد یونس اور ڈاکٹر سہیل احمد قریشی سمیت کئی نامور شخصیات شامل ہیں۔ 14 اپریل 1972ء کو یہ عظیم ماہرِ تعلیم وفات پا گئے، مگر ان کی تعلیمی خدمات آج بھی ساہیوال کی تاریخ کا روشن باب ہیں۔